الأخبارمشاهير

بالصور: رسالة مؤثرة لزوجة سمير الوافي بمناسبة عيد ميلاده

بمناسبة عيد ميلاده يوم أمس 22 ديسمبر وجهت «حنين الزغير» رسالة مؤثرة لزوجها الإعلامي سمير الوافي تحدثت فيها كيف كانت تخطط لأن اليوم استثنائيا وما الذي يقوله لها عند كل زيارة ومدى حبها له

وفي ما يلي نص الرسالة كاملا «سمير.. اليوم 22 ديسمبر نهار عيد ميلادك النهار هذا ستنيتو عندي برشا.. أول عيد ميلاد و احنا معرسين حضرت فيه برشا حاجات في مخي و خممت شنوة باش نهديلك و كيفاه باش نخلي النهار هذا يتعدى سبسيال و مش كيف النهارات لخرين ..خممت من قبل العرس وين و كيفاه.. و هو جا نهار عيد ميلادك و طلع نهار بالحق سبسيال ..

اما موش كيما حبيت انا و كان جاو قالولي الي نهار هذا باش نكونوا بعاد على بعضنا نقلهم مستحيل اما ربي حب هكا…الحمدلله على كل حال.. كل مرة نمشي نزورك فيها ديما تقلي نفس الكلام..

حنين نعرف الي انتي تاعبة معايا سامحني تعبتك.. انا يا حنين ما نخمم كان فيك و كان جيت عازب راو الحبس كان اهون عليا ببرشا..

و مع هذا عمرنا لا بكينا و لا تأثرنا و ديما قويين قدام بعضنا..و انا توا يا سمير نحب نقلك الي انا مانيش تاعبة و نعمل في كل شيء بحب كبيييييير و أقل حاجة تنجم تعملها اي مرا انها تاقف مع راجلها في محنتو و مش مزية الناس كل تغلط و الدنيا دروس.. انا نعرف الي انتي اليوم باش تكون حزين و متقلق و تحس في النفس الي نحس فيه انا.. اما فما كلمة ديما تقولهالي كي نجيك..

بالصور رسالة مؤثرة لزوجة سمير الوافي بمناسبة عيد ميلاده

بالصور رسالة مؤثرة لزوجة سمير الوافي بمناسبة عيد ميلاده

حنين تو نعوضوا كل شيء و انا زادة نقلك تو نعوضلك النهار هذا و النهارات الي تحرمنا فيهم من بعضنا و الي صارلنا ما ينجم كان يقوينا و يقوي حبنا..و اي انسان حاول يزيد يغرق سمير حتى و لو بكلمة نقلو يوم ليك و يوم عليك صدقني دموعي ما تمشيش خسارة بإذن الله ..

حبي الغالي كل عام و انتي حبي و انشاء لله الي جاي خير و ربي يعوضنا و ما يدوم حال»

بالصور رسالة مؤثرة لزوجة سمير الوافي بمناسبة عيد ميلاده

المصدر

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error:
إغلاق